Pse të zgjidhni shkollën "Udha e shkronjave"
Shkëlqim dhe gëzim - të aftë për veten, të dobishëm për shoqërinë
- Një shkollë ka për detyrë të mbulojë formimin e gjithanshëm të fëmijës dhe "Udha e shkronjave" ka një përvojë 25 vjeçare në këtë drejtim, ku kënaqësia e nxënësve dhe e prindërve është shprehur qartë në përshtypjet e tyre dhe nga një distancë e mjaftueshme për të gjykuar më drejt.
- Mbulojmë zhvillimin e fëmijës që nga mosha 5 vjeç deri në prag të universitetit (18-19 vjeç) në katër cikle paketash programore: Cambridge Primary (fillorja), Cambridge Lower Secondary (klasa 6,7,8), Cambridge IGCSE (Secondary 2, klasa 9-10), Cambridge A Level (klasa 11, 12,13) dhe gjithashtu respektojmë ciklet e Ministrisë së Arsimit: fillore, arsim i mesëm i ulët dhe arsim i mesëm i lartë.
- Jemi shkolla e parë private shqiptare (1997)
- Jemi Shkollë Ndërkombëtare e Kembrixhit dhe rezultatet tregojnë se jemi shkollë e shkëlqyer ndërkombëtare e Kembrixhit.
- Ajo që ofrojmë ka një mbështetje akademike të fuqishme nga autorët e programeve Cambridge Assessment International Education, nga Ministria e Arsimit dhe nga programet e vetë shkollës "Udha e shkronjave" (jemi e vetmja shkollë me programe tonat origjinale).
- Nxënësi përgatitet me programe të shkëlqyera me vetëdijen globale dhe atë kombëtare.
- Nxënësit tanë tregojnë siguri në punën me informacionin dhe idetë, të tyre apo të të tjerëve, ata marrin përgjegjësi për veten, janë reagues dhe respektojnë të tjerët, reflektojnë për procesin e të mësuarit dhe zhvillojnë aftësinë e tyre për të mësuar, kanë kreativitet dhe të formuar si duhet për sfida të reja apo të së ardhmes, ata vazhdimisht përfshihen diskutime intelektuale dhe janë të përfshirë në shqetësimet e shoqërisë që i rrethon apo me gjerë në nivel lokal, kombëtar apo global dhe janë të gatshëm të ofrojnë edhe zgjidhjen e tyre.
- Ofrojmë me cilësi të lartë të paktën 10 programe ndërkombëtare të Kembrixhit në çdo klasë duke filluar nga parashkollori.
- Krahas dëftesës kombëtare, në të mesmen, ofrojmë edhe dëftesën ndërkombëtare të Kembrixhit: në klasën e dhjetë ofrojmë dëftesën Cambridge ICE me 7 lëndë IGCSE dhe diplomën ndërkombëtare Cambridge AICE në të dymbëdhjetën me 5 lëndë A Levels. Dëftesat lëshohen nga Cambridge Assessment International Education, departament i Universitetit të Kembrixhit dhe lider botëror në ofrimin e programeve dhe kualifikimeve mësimore për moshat 5-19 vjeç.
- Ofrojmë me cilësi programet kombëtare.
- Rezultatet tona janë ndjeshëm më të larta se mesatarja globale e shkollave të Kembrixhit. 50% e notave në provimet Cambridge IGCSE janë A ose A*.
- Në anglisht pas 10 vjetësh studim intensiv, mbërrijmë nivelin B2 në klasën e nëntë dhe certifikimin IGCSE dhe C1 në klasën 12 dhe certifikimin Cambridge A Level, duke mbërritur standardin 7.5 në IELTS që kërkohet nga universitetet e toplistës botërore.
- Në gjermanisht, në klasën e dhjetë, pas 5 vjetësh (11-16 vjeç) mbërrijmë në nivelin B1 dhe certifikimin IGCSE, bazë e shkëlqyer për ata që do të vijojnë individualisht të kalojnë në nivelin B2 ose C1, e kërkuar nga universitetet gjermane, austriake, ose zvicerane.
- Mbështetim përpjekjet individuale të nxënësve edhe në gjuhë të tjera si frëngjishtja, italishtja, spanjishtja ose greqishtja duke u ofruar atyre certifikimin Cambridge IGCSE.
- Kemi një staf mësimor për 4 nxënës dhe klasat janë mesatarisht me 6 nxënës.
- Në kushtet e variantit DELTA të SarsCov2, shkolla “Udha e shkronjave” është më e përshatshmja për të përballuar sfidat, sepse a) jemi shkollë e vogël dhe b) kemi klasa të vogla (mesatarisht nga 6 nxënës) dhe c) kemi një komunitet shkollor që komunikon dhe bashkëpunon shumë mirë.
- Komponentët praktikë (laboratorë, eksperiment, projekt etj.) janë pjesë e testimit të jashtëm që do të thotë se ekzistenca e aftësive praktike dhe e mjeteve përkatëse laboratorike për zhvilimin e tyre në këtë drejtim vazhdimisht certifikohen ndërkombëtarisht.
- Shkolla ka nivelin më të ulët të bullizmit në Shqipëri dhe krahasuar edhe me shkolla të tjera ndërkombëtare në botë është në toplistë për sjelljen e mirë të nxënësve (kjo e verifikuar me raportin e Kembrixhit, nëntor 2019, që mati kënaqësinë e nxënësve për jetën në shkollë).
- Shkolla ka marrë vlerësimet më të larta të komunitetit të saj (nxënës, prindër, mësues) në raportin e vetëvlerësimit të shkollës që u drejtua nga Cambridge Assessment International Education.
- "Udha e shkronjave" ka qenë në të paktat shkolla në botë që kemi patur statusin Shkollë Pilot e Kembrixhit për lëndën Global Perspectives (vetëm 5 shkolla në Europë në vitet 2016-2018 kishin statusin pilot dhe ne ishim një nga këto). Global Perspectives është lënda e shekullit 21, që edukon aftësitë e nivelit të lartë: kërkimore, analitike, vlerësuese, reflektuese, të komunikimit dhe të bashkëpunimit.
- Kemi certifikuar në nivelin IGCSE shumë lëndë e programe: anglisht, gjermanisht, italisht, frëngjisht, matematikë, biologji, kimi, fizikë, Global Perspectives, art-dizajn, teknologji informacioni dhe komunikimi, shkencë kompjuteri, kontabilitet, ndërmarrje.
- Kemi certifikuar në nivelin A Level: anglisht, matematikë, ligj anglez, kontabilitet dhe po punojmë në ekonomi, ndërmarrje, dhe shkencat natyrore (biologji, kimi, fizikë).
- Kemi nxënës të pranuar në universitete të toplistës botërore duke deklaruar kualifikimet dhe arritjet e tyre në shkollën "Udha e shkronjave": University of Toronto, MIT - Massachusetts Institute of Technology, University of Sydney, King's College, Duke University, Jacobs University.
- Nxënësit që kanë dalë në profesion e vlerësojnë përvojën në shkollën “Udha e shkronjave” si më të bukurën dhe më të vlefshmen në jetën e tyre.
- Prindërit janë të kënaqur edhe pas shumë vitesh që fëmijët kanë mbaruar shkollën për vlerën e ndikimit tonë mbi fëmijët e tyre.
- Niveli i bursës që kanë kapur nxënësit tanë arrin deri në 200 000 euro. Totali i bursave që kanë marrë nxënësit i kalon 500 000 euro.
- Niveli i kursimeve në vitin e parë të universitetit, për shkak të krediteve të marra për kualifikimet e Kembrixhit (IGCSE dhe A Level) realizuar gjatë shkollës së mesme shkon deri në 15 000 USD.
- Nxënësit tanë shmangin vitin e përshtatjes dhe plotësimit të kushteve të universitetit. Ata janë menjëher gati për të ndjekur universitetin ndërkombëtar.
- "Udha e shkronjave" i udhëheq nxënësit në kreativitet duke qenë vetë krijuese. Krijimet e saj janë me rëndësi të vërtetë për sistemin arsimor. Përmendim Olimpiadën Kombëtare, garën e Kompetencës Globale, lëndë të reja si logjika formale dhe plot botime të tjera. Riti i identifikimit të shqiptarëve me duar si shqiponjë është një krijim yni i shpjeguar për herë të parë në 2009 në librin "Besa, feja ime e fëmijëve të mi dhe e bujarëve shqiptarë".
- "Udha e shkronjave" është Qendër e Zhvillimit Profesional të Kembrixhit dhe kjo garanton prindërit që mësuesit që do të jenë në shkollë do të kenë orientimin e duhur profesional për të arritur objektiva tepër të lartë.
- "Udha e shkronjave" është e përfshirë në shqetësimet arsimore kombëtare dhe ka dhënë ndihmesën e saj që zgjidhjet të janë sa më të drejta në përfitim të të gjithëve.
- Nxënësit tanë tashmë kanë marrë dëftesa Cambridge ICE me vlerësimin "Shkëlqyeshëm" (Distinction) që do të thotë se në 7 lëndë IGCSE kanë patur të paktën 5 lëndë me vlerësimet A dhe A* dhe dy të tjera të paktën notën C. Kjo tregon nivelin e mësimdhënies në shkollën "Udha e shkronjave".
- Të gjithë nxënësit nxiten të punojnë për konkurrime lokale dhe kombëtare në matematikë, gjuhë shqipe, shkenca, kompetencë globale dhe konkurrime të tjera.
- Nxënësit tek ne gëzojnë jetën shkollore, si përmes veprimtarive të përditshme ashtu edhe përmes veprimtarive vjetore. "Udha e shkronjave" është organizatore edhe e ngjarjeve të mëdha artistike shkollore. Një prej tyre është Ceremonia e Përvitshme e Ndarjes së Çmimeve të Olimpiadës Kombëtare "Udha e shkronjave" ku zakonisht marrin pjesë mbi 400 prindër e nxënës.
- Viti i pandemisë nxori në pah shkëlqimin e organizimit tonë dhe të performancës së së lartë në teknologjinë e informacionit dhe të komunikimit që u vu në dispozicion të mbrojtjes nga infeksioni Covid19. Stafi pati infeksionin më të ulët në të gjitha shkollat (në mbyllje të shkollës ishte 25%, kur kjo shifër në shkolla shkoi mbi 70%). Komuniteti ynë në prill 2021 pati infeksion 40%, kur Tirana e kishte 60%, që do të thotë se 1/3 e infeksionit u ul për shkak të kalimit 100% online për 5 muaj.
- "Udha e shkronjave" është themeluar nga dy mësues Artur Shkurti dhe Mirela Shkurti, të dy me rezultate të shkëlqyera në shkollat e larta që kanë mbaruar. Ajo është pronësi familjare e tyre dhe drejtohet pa u ndalur për 25 vjet. Stabiliteti i drejtimit, bashkuar me shkëlqimin fillestar dhe me zhvillimin e vazhdueshëm profesional që të dy drejtuesit kanë patur nga përvoja e tyre dhe nga Kembrixhi ka ndihmuar shkëlqimin e nxënësve që çdo vit që kalon është edhe më i madh. Kjo do të thotë që nxënësit që regjistrohen tani marrin një cilësi e siguri arsimore më të madhe se çfarë ne kemi ofruar më parë.
Lexoni artikujt në blogun "gazeta"
Artikujt që kemi në blog zbërthejnë më mirë vizionin dhe vlerat e shkollës, si edhe arritjet tona në drejtime të ndryshme. Disa artikuj janë për çështje të përgjithshme që kanë lidhje me sektorin e edukimit.
"Udha e shkronjave" ju fton të regjistroheni herët
Regjistrimi herët ka përfitim financiar dhe ndikim të jashtëzakonshëm në kushtet e përshtatjes së fëmijës tuaj.