Fillore (5-11 vjeç)

Tipare të fillores "Udha e shkronjAve"

Mesatarisht 6 nxënës për klasë

Ky është numri më i vogël i nxënësve për klasë në Tiranë dhe ky faktor thellësisht ndikon të gjitha shërbimet që bëhen nxënësit.

Programet e Fillores së Kembrixhit (Cambridge Primary)

Fillojmë në moshën 5-vjeçare me nivelin 1 të paketës programore ndërkombëtare të fillores së Kembrixhit Cambridge Primary në lëndët anglisht, matematikë, shkencë, Global Perspectives, aftësim digjital, shkencë kompjuteri, art-dizajn, muzikë, edukim fizik dhe po ashtu kemi edhe abetaren për parashkollorë.

Orari

7:30-7:50 - Pranimi në shkollë

8:00 - 14:30 - Shtatë orë mësimore

Dy pushime të gjata 15 min dhe 40 min

Katër pushime nga 5 minuta.

Shërbimi i transportit (City Taxi)

Shërbimi i transportit me City Taxi është një shërbim komod, i shpejtë, i sigurtë, me shumë informacion nga qendra për prindërit.

Provimet ndërkombëtare

Provimet ndërkombëtare të Kembrixhit fillojnë në klasën e dytë fillore, që kryen nivelin 3 të Cambridge Priamary. Provimet quhen Cambridge Progression Test. Rezultatet tona në to janë vërtetë shumë të larta.

Tarifa për vitin 2024-2025

Tarifa 600 000 lekë në vit dhe transporti është 900 euro në vit.

nxënësit e fillores "udha e shkronjave"

Nxënës të klasës së pestë

Përshkruaj një veprimtari tradicionale që bën shkolla ju? Çfarë do të merrni me vete nga shkolla në pushimet verore? A mendoni se dëftesa i përmbledh të gjitha gjërat e rëndësishme për ju? Çfarë tjetër vlen për ju? Cili është krijimi juaj për këtë vit?

Nxënës të klasës së katërt

A reflektoni mbi mësimet, jetën? Si e realizoni reflektimin tuaj? A mendoni se dëftesa i përmbledh të gjitha gjërat e rëndësishme për ju? Sa të përgjegjshëm jeni ju? Po shokët dhe shoqet tuaja? A keni ndonjë këshillë për ta? Ku jeni më të sigurt? Si shprehet kjo siguri tek ju? A jeni ju punëtorë? Cili është krijimi juaj i vitit të shkuar?

Nxënës të klasës së tretë

Cila është një veprimtari tradicionale për shkollën tuaj? Çfarë do të merrni me vete nga shkolla në pushimet verore? Si e realizoni ju reflektimin mbi atë çka ndodh në ditën tuaj, çfarë shkon mirë e çfarë nuk shkon? Çfarë do të donit të kishte më shumë shkolla juaj? Në cilën lëndë ndiheni më të sigurtë? Si e shprehni ju sigurinë tuaj? Cila do të ishte këshilla juaj për një shok apo për një shoqe lidhur me përgjegjësitë e tij apo të saj? Cili është krijimi juaj për këtë vit shkollor?

Nxënës të klasës së dytë

Një veprimtari e veçantë që ju ka mbetur në mend nga viti i kaluar. Çfarë do të merrni nga shkolla për pushimet verore? A mendoni se dëftesa i përmbledh të gjitha gjërat e rëndësishme për ju? Për çfarë do ta këshillonit një shok apo një shoqen tuaj? A jeni ju punëtorë? Cili është krijimi juaj për këtë ëvit?

Nxënës të klasës së parë

Tregoni për një veprimtari tradicionale të shkollës? Veçoni një ditë të veçantë gjatë vitit shkollor. Ku do t'i kaloni pushimet verorre? Në cilën lëndë ndiheni më të sigurt?A jeni ju punëtorë? Si do ta këshillonit një shok apo një shoqe tuajën? Cili është krijimi juaj për këtë vit? Çfarë do të donit të ksihte shkolla juaj?

Emision për abetaren "Udha e shkronjave"

Emisioni "Pegaso" drejtuar nga gazetarja Ela Baçi, është transmetuar në TeleNorba do të jetë bërë ndoshta në vjeshtën e vitit 2001. Në këtë emision janë të ftuar: Artur Shkurti (autor i abetares), Sitki R. Spahia "Mësues i merituar", autor i teksteve të 36 këngëve të abetares, Iljaz Larashi, redaktor letrar i abetares dhe 5 fëmijët që kanë kënduar këngët e abetares: Megi Laska, Enia Salillari, Xhino Abedinaj, Xheni Shkurti dhe Xhesi Shaqiri. Ndërkohë janë intervistuar prof.dr. Aleks Luarasi dhe mësueset e ciklit të ulët Lefteri Joro dhe Filloreta Stoja ("Mësuese e merituar").

Shkronjat tona janë të arta - TVSH, 1999

Koncert i nxënësve të fillores së shkollës "Udha e shkronjave" dhënë për Televizionin Shqiptar për festën e 7 marsit 1999. Këta janë grupi i parë i nxënësve me të cilët u hap shkolla "Udha e shkronjave".

Njerëz të rinj e të vjetër - Global Perspectives

Më 14 maj 2018, u zhvillua tema "Njerëz të rinj e të vjetër", që fokusin e ka në aftësitë kërkimore, vlerësuese dhe komunikuese të nxënësve. Në shkollë u ftua gjyshja dhe gjyshi i Kiarës dhe gjyshi i Aronit, të cilët iu përgjigjën pyetjeve të nxënësve të fillores për fazat e tyre të jetës, për përparësitë dhe dizavantazhet e të qenurit i vjetër në moshë, për problemet që ata kalojnë tani dhe për ndihmën që mundet të japin më të vegjëlit për moshat e rritura.

Elemente të edukimit fizik

Elemente të edukimit fizik në shkollën "Udha e shkronjave"

Fillorja "udha e shkronjave"

Abetarja "Udha e shkronjave"

U botua në 2001. Ka patur vlerësimet më të shumta si abetare nga profesor, metodistë, mësues, dhe njerëz të kulturës. Disa prej tyre i dëgjoni të lexuara nga aktorja Roza Anagnosti.

Tipare të edukimit muikor në parashkollor

Programi i muzikës në filloren "Udha e shkronjave" është hartuar nga Cambridge Assessment International Education.

Dita e parë e shkollës

Hapja e vitit shkollor është një ngjarje e gëzueshme për të gjithë nxënësit. Edhe për ne të shkollës "Udha e shkronjave". Më 16 shtator 2018 ftuam "Fanfarën e Tiranës" për të përshëndetur.

PROMOVIMI I SHKOLLËS NË ABC NEWS ALBANIA

Në emisionin "ABC-ja e mëngjesit" më 10 shtator promovuam shkollën "Udha e shkronjave" duke ofruar për publikun informacion mbi programet mësimore ndërkombëtare, rëndësinë e certifikimeve Cambridge IGCSE, Cambridge A level, rezultatet e shkollës sonë në certifikime ndërkombëtare, suksesin në aplikimet në universitetet ndërkombëtare, si edhe mbi tiparet e Olimpiadës Kombëtare.

Tipare të fillores "Udha e shkronjave"

Video realizuar në 2021 ku Artur Shkurti, drejtor i shkollës "Udha e shkronjave" shpjegon tiparet e fillores. Kujtojmë që formimi i drejtorit është pikërisht për Ciklin e Ulët. Ka mbaruar shkollën e mesme pedagogjike "17 nëntori" dhe Institutin e Lartë Pedagogjik "Luigj Gurakuqi".

Ekskursion maj 2021

Nxënësit e fillores në ekskursion në Parkun e Liqenit Artificial, Tiranë

Koncert për 7 marsin

Çdo vit, nxënësit e shkollës "Udha e shkronjave" organizojnë Festën e 7-8 marsit.

E shtuna krijuese

"E shtuna krijuese" ka qenë një veprimtari për nxënës të ciklit të ulët kushtuar muzikës, sportit, art-dizajnit dhe informatikës. Përveç nxënësve të shkollës "Udha e shkronjave" ishin të ftuar edhe nxënës nga shkolla të tjera. Nxënësit argëtoheshin shumë.

Festa e abetares "Udha e shkronjave"

Çdo shkollë ka festën e saj

Kompetencë Globale ® "Udha e shkronjave"®

Gara e Kompetencës Globale ® “Udha e shkronjave” ® edhe për filloren ka sjellë një nivel të lartë projektesh të realizuara, si ky i Gerti Kostës në Olimpiadën XIX Kombëtare “Udha e shkronjave” 2019.

Gëzimi dhe mirëqënia

Gëzimi dhe mirëqënia në shkollë janë të lidhura jo vetëm me veprimtaritë që organizohen, por edhe me praktikat mësimore, me komunikimin dhe bashkëpunimin e gjithanshëm që ka nxënësi në të gjitha nivelet e kontakteve që ka: me nxënësit, me mësuesit, stafin drejtues dhe ndihmës, me prindërit dhe sidomos me suksesin në mësime.

Në 5 vjeç fillojmë filloren me programe ndërkombëtare

Për 5-vjeçarët ne ofrojmë një nivel të lartë përgatitjeje. Niveli 1 i Cambridge Primary përfshin anglisht, matematikë, shkencë, teknologji informacioni dhe komunikimi, art-dizajn, muzikë, edukim fizik. Gjuha shqipe zhvillohen me Abetaren për parashkollorë “Udha e shkronjave”. Në fund të vitit zhvillohet Olimpiada e Parashkollorëve.

Arsyet për të ndjekur filloren "Udha e shkronjave"

Deviza jonë është "Shkëlqim dhe gëzim"

"Udha e shkronjave" është e para shkollë private shqiptare dhe hapat e parë në 1997 i kemi hedhur pikërisht me klasat fillore. Për tre vitet e para u morëm vetëm me shkollën fillore.

Arsimi pedagogjik i mesëm dhe i lartë i drejtorit të shkollës "Udha e shkronjave" dhe rezultatet e shkëlqyera në këtë arsim kanë qenë mbështetje e fuqishme për shkollën "Udha e shkronjave" për të startuar një fillore me kërkesa shumë të larta programore që siç tregoi historia e shkollës u bë edhe arsyeja kryesore se pse nxënësit e klasave të larta shkëlqejnë pas fillores.

"Udha e shkronjave" mëson programe të Kembrixhit, në lëndët anglisht, matematikë, shkencë, teknologji informacioni dhe komunikimi, shkencë kompjuteri, Global Perspectives, edukim fizik, art-dizajn, edukim muzikor dhe shkëlqen gjithashtu në mësimin e programeve kombëtare sidomos të gjuhës shqipe.

"Udha e shkronjave" është organizatore e Olimpiadës Kombëtare dhe kjo në ciklin e ulët i ekspozon nxënësit ndaj sfidave në disa lëndë që bëjnë të mundur rritjen e shpejtësisë së përvetësimit. Nga ana tjetër olimpiada i njeh ata jo vetëm me konkurrencën e jashtme, por edhe me bashkëmoshatarë.

"Udha e shkronjave" u kushton jashtëzakonisht shumë vëmendje lëndëve që anashkalohen masivisht në shkolla. Lëndët edukim fizik, art-dizajn dhe muzikë zhvillohen në nivel shumë të lartë me programe ndërkombëtare të Kembrixhit dhe me mësues të kualifikuar.

"Udha e shkronjave" e kontrollon ndërkombëtarisht cilësinë e punës së saj. Duke filluar që nga klasa e dytë, nxënësit bëjnë testet e Kembrixhit Progression Test.

"Udha e shkronjave" komunikon shumë me prindërit dhe u jep atyre informacione të detajuara, që përmbajnë jo vetëm vlerësimin me notë por edhe me fjalë.

Mirë se erdhët në faqen

Fillorja "Udha e shkronjave" (5-11 vjeç)