Artur Shkurti - drejtor & pronar i shkollës
Artur Shkurti - themelues/drejtues/pronar i shkollës "Udha e shkronjave"
Artur Shkurti, është njëkohësisht themelues, drejtues dhe pronar i shkollës "Udha e shkronjave" në 1997. Në vitin 1996 ai themeloi në gjykatë shoqërinë "Udha e shkronjave" dhe gjatë kësaj kohe aplikoi në Ministrinë e Arsimit për licensën në përputhje me ligjin e vitit 1995 që lejonte hapjen e shkollave private. Ai e mori lejen e ushtrimit të veprimtarisë me Urdhërin nr.7 të Ministrit të Arsimit (në atë kohë Luan Skuqi), datë 30 maj 1997. Në shtator 1997 shkolla filloi veprimtarinë e saj. Shkolla nuk ka ndërruar pronësi që prej asaj kohe.
Ai e drejton atë prej atëherë e deri më sot në bashkëpunim me Mirela Shkurtin, mësuese e biologjisë dhe kimisë, nëndrejtore e shkollës. Mirela është bashkëshorte e Arturit. Ata janë martuar në 1997.
Formimi i tij profesional është pedagogjjik i mesëm (17 nëntori, Tiranë, 1983-87) dhe pedagogjik i lartë (Instituti i Lartë "Luigj Gurakuqi", Shkodër, 1987-90), ku ka mbaruar me rezultate të shkëlqyera (9.8 mesatarja e provimeve). Arritja më e madhe në fushën e pedagogjisë ishte caktimi i tij si Lider i Programit të Kembrixhit për Certifikatën Ndërkombëtare të Kembrixhit për Mësimdhënie dhe Mësimnxënie. Është autor në mbi 50 tituj dhe i 80% të tezave të Olimpiadës Kombëtare "Udha e shkronjave"®.
Botimet "Udha e shkronjave" janë të lidhura kryesisht me autorësinë e Artur Shkurtit. "Udha e shkronjave" nuk është një botues tipik që organizon autorë të tjerë në krijimin e një fizionomie të tillë. "Udha e shkronjave" boton kryesisht çfarë drejtoria mendon se mund të botojë me autorisinë e saj. Botimet i gjeni në këtë faqe.
Një nga vlerat më të mëdha të drejtorit të shkollës "Udha e shkronjave" lidhet me krijimin, organizimin dhe zhvillimin e Olimpiadës Kombëtare "Udha e shkronjave" më e madhja në rang kombëtar për moshat 5-16 vjeç. Ajo filloi si olimpiadë matematike në vitin 2000, dhe më pas u zgjerua jo vetëm në klasat për të cilat organizohej, por edhe në fushat e lëndët që testoheshin. Aktualisht sot olimpiada kërkon njohuritë e nxënësve në gjuhë shqipe, matematikë, shkencë, kompetencë globale dhe edukim muzikor.
Nëse olimpiadat e gjuhës shqipe, shkencës, matematikës mund të përfytyrohet që kanë patur një histori, olimpiada për kompetencë globale është krijim origjinal i Artur Shkurtit, drejtor i shkollës "Udha e shkronjave". Ai në këtë fushë u bazua në një zhvillimet më të fundit arsimore të lidhura kryesisht me lëndën Cambridge Global Perspectives dhe me botimin "Kompetenca Globale" nga Veronica Boix Mansilla dhe Anthony Jackson.
Arritja më e madhe e një shkolle shqiptare të sistemit parauniversitar në fushën ndërkombëtare është padyshim ajo e shkollës "Udha e shkronjave" që arriti të bëhej një nga pesë shkollat pilot të Kembrixhit në Europë dhe të paktat në botë që për 2 vjet pilotuan programin e aftësive të shekullit 21 që do të futet në komunitetin e shkollave të Kembrixhit pas disa ditësh (më 20 qershor 2018).
Ka dy vajza: Besjona dhe Nensi.
Mirela Shkurti - nëndrejtore e shkollës
Mirela Shkurti (lindur në 1973) është nëndrejtore e shkollës që nga viti 1997. Në vitin 1996 ajo ishte e fejuar me Artur Shkurtin dhe në 1997 lidhën martesën. Gjatë kësaj kohe u bë edhe aplikimi për licensën e shkollës "Udha e shkronjave" dhe u themelua edhe shkolla.
Formimi i saj është pedagogjik i mesëm (17 nëntori, 1987-91), ndërsa të lartën e ka kryer me rezultate të shkëlqyera për lëndën Biologji Kimi në Fakultetin e Shkencave të Natyrës (1991-95) (mesatare mbi 9.5). Është bashkëautore në një seri librash të shkollës "Udha e shkronjave" (Eja në test 5,6,7,8, Dituri natyre 3,5), autore e vetme në librin "Biologji 9", autore e disa tezave të shkencës në Olimpiadën Kombëtare "Udha e shkronjave"®.
Arritjet e saj personale më të larta në fushën e mësimdhënies lidhen me rezultatet në lëndët kimi dhe biologji për certikatën Cambridge IGCSE (mosha 15-16 vjeç), ku nxënësit e saj vlerësohen masivisht me nota A* ose A. Mirela merret kryesisht edhe me procesin e vlerësimit të shkollës me testet e drejtorisë ose testet e Kembrixhit.
Ka dy vajza: Besjona dhe Nensi.
Besjona dhe Nensi Shkurti
Janë dy vajzat e Arturit dhe të Mirelës. Besjona ka mbaruar bachelor për matematikë në Fakultetin e Shkencave të Natyrës (2018) dhe master për didaktikë matematike në Agder University (Norvegji). Tashmë jep mësim në një shkollë ndërkombëtare IB në Norvegji. Nensi është diplomuar për Administrim Biznesi nga Universiteti i Torontos, Kanada.
Besjona & Nensi
Besjona Shkurti
Besjona Shkurti
Besjona Shkurti
Besjona Shkurti - ka kryer bachelor për matematikë në Fakultetin e Shkencave dhe masterin për didaktikë në Universitetin e Agderit, në Kristiansand, Norvegji. Teza e saj e masterit "Përdorimi i teknologjisë eye-tracking për të kuptuar arsyetimin induktiv" është botuar nga Universiteti i Agderit. Besjona ka kryer 9 vjet në shkollën "Udha e shkronjave" dhe më pas gjimnazin shtetëror "Partizani". Tashmë ushtron profesionin si mësuese e matematikës në shkollë me programe ndërkombëtare IB.
Nensi Shkurti
Besjona Shkurti
Besjona Shkurti
Nensi përfundoi studimet për për menaxhim & financë në Universitetin e Torontos. Cambridge International Education e ka futur në listën "Cambridge Alumni" dhe në faqen e Kembrixhit do të gjeni edhe një intervistë të sajën. (Link)
Teza e masterit të Besjona Shkurti
Additional Information
Versioni orgjinal
Shkurti, B. (2020) Using eye-tracking to understand inductive reasoning (Master's thesis). University of Agder, Kristiansand.
Abstrakti
Kjo tezë masteri shpjegon punën e bërë për t'iu përgjigjur tre pyetjeve kërkimore që lidhen me të kuptuarin e arsyetimit induktiv në zgjidhjen e detyrave me vargje figurash. Një hyrje e shkurtër shpjegon temën e tezës, pyetjet kërkimore, sfidat e kaluara gjatë pandemisë, pasojat që pati mbi cilësinë e tezës dhe zbulimet kryesore. Një analizë e literaturës që lidhet me të është kryer për ta lidhur këtë kërkim me teoritë e mëparshme në fushën e arsyetimit matematikor, veçanërisht arsyetimit induktiv dhe metodën eye-tracking për të mbledhur dhe analizuar të dhënat. Kjo ka shërbyer për të skicuar projektin kërkimor. Kapitulli i metodologjisë përfshin planin e kërkimit, cilët janë subjektet dhe si janë zgjedhur. Ai paraqet materialet dhe instrumentet që ndihmuan për të mbledhur dhe për të analizuar të dhënat, metodën e zgjedhur për mbledhjen e të dhënave dhe mënyrën se si janë analizuar këto të dhëna. Ky kapitull përfundon me një diskutim të shkurtër të çështjeve etike, të vlerës dhe besueshmërisë. Kjo ndiqet nga kapitulli i analizës dhe rezultateve që tregon analiza të detajuar të të dhënave të mbledhura dhe rezultateve që përbëjnë vlerën kryesore të këtij kërkimi. Pikat e forta dhe kufizimet paraqiten në një kapitull më vete me synimin për të dhënë një ide lexuesit se cilat ishin pikat e forta që i dhanë vlerë këtij studimi dhe çfarë mund të kishte shkuar më mirë. Këto konsiderata ndihmojnë kërkuesit e ardhshëm që do të duan të përsëritin këtë kërkim duke u dhënë atyre shumë informacion rreth pikave të forta dhe kufizimeve. Diskutimi i rezultateve me ndihmën e kërkimeve të mëparshme është kryer me synimin për të listuar argumentet që mbështetin rezultatet e këtij kërkimi. Kapitulli i fundit është me një rëndësi të veçantë sepse paraqet ndikimin e rezultateve në fushën e mësimit të matematikës. Teza përfundon me një listë të figurave dhe tabelave të përdorura dhe me listën e referencave.
Teza e Besjona Shkurtit
"Udha e shkronjave" ju fton të regjistroheni herët
Regjistrimi herët ka përfitim financiar dhe ndikim të jashtëzakonshëm në kushtet e përshtatjes së fëmijës tuaj.