Artur Shkurti, është themeluesi dhe drejtor/(head teacher)i shkollës "Udha e shkronjave" në 1997. Ai e drejton atë prej atëherë e deri më sot në bashkëpunim me Mirela Shkurtin. Formimi i tij profesional është pedagjik i mesëm (17 nëntori, Tiranë, 1983-87) dhe pedagogjik i lartë (Instituti i Lartë "Luigj Gurakuqi", Shkodër, 1987-90), ku ka mbaruar me rezultate të shkëlqyera. Arritja më e madhe në fushën e pedagogjisë ishte caktimi i tij si Lider i Programit të Kembrixhit për Certifikatën Ndërkombëtare të Kembrixhit për Mësimdhënie dhe Mësimnxënie. 

Mirela Shkurti (lindur në 1973) është nëndrejtore e shkollës që nga viti 1997. Formimi i saj është pedagogjik i mesëm (17 nëntori, 1987-91), ndërsa të lartën e ka kryer me rezultate të shkëlqyera për lëndën Biologji Kimi në Fakultetin e Shkencave të Natyrës (1991-95). Është bashkëautore në një seri librash të shkollës "Udha e shkronjave" (Eja në test 5,6,7,8, Dituri natyre 3,5), autore e vetme në librin "Biologji 9", autore e disa tezave të shkencës në Olimpiadën Kombëtare "Udha e shkronjave". Arritjet e saj personale më të larta në fushën e mësimdhënies lidhen me rezultatet në lëndët kimi dhe biologji për certikatën Cambridge IGCSE (mosha 15-16 vjeç). Mirela merret kryesisht edhe me procesin e vlerësimit të shkollës me testet e drejtorisë ose testet e Kembrixhit. 

Botimet "Udha e shkronjave" janë të lidhura kryesisht me autorësinë e Artur Shkurtit. "Udha e shkronjave" nuk është një botues tipik që organizon autorë të tjerë në krijimin e një fizionomie të tillë. "Udha e shkronjave" boton kryesisht çfarë drejtoria mendon se mund të botojë me autorisinë e saj. Botimet i gjeni në këtë link.

Një nga vlerat më të mëdha të drejtorit të shkollës "Udha e shkronjave" lidhet me krijimin, organizimin dhe zhvillimin e Olimpiadës Kombëtare "Udha e shkronjave" më e madhja në rang kombëtar për moshat 5-15 vjeç. Ajo filloi si olimpiadë matematike në vitin 2000, dhe më pas u zgjerua jo vetëm në klasat për të cilat organizohej, por edhe në fushat e lëndët që testoheshin. Aktualisht sot olimpiada kërkon njohuritë e nxënësve në gjuhë shqipe, matematikë, shkencë, kompetencë globale dhe edukim muzikor. 

Nëse olimpiadat e gjuhës shqipe, shkencës, matematikës mund të përfytyrohet që kanë patur një histori, olimpiada për kompetencë globale është krijim origjinal i Artur Shkurtit, drejtor i shkollës "Udha e shkronjave". Ai në këtë fushë u bazua në një zhvillimet më të fundit arsimore të lidhura kryesisht me lëndën Cambridge Global Perspectives dhe me botimin "Kompetenca Globale" nga Veronica Boix Mansilla dhe Anthony Jackson. 

Arritja më e madhe e një shkolle shqiptare të sistemit parauniversitar në fushën ndërkombëtare është padyshim ajo e shkollës "Udha e shkronjave" që arriti të bëhej një nga pesë shkollat pilot të Kembrixhit në Europë dhe të paktat në botë që për 2 vjet pilotuan programin e aftësive të shekullit 21 që do të futet në komunitetin e shkollave të Kembrixhit pas disa ditësh (më 20 qershor 2018).