Disiplina tek ne është e vetëdijshme

---

Me numrin më të vogël të shkeljeve disiplinore dhe ngacmimeve shqetësuese 

gjatë një viti, shkolla jonë është një mjedis mjaft harmonik ndërmjet nxënësve dhe mësuesve

Ne kemi hequr dorë nga uniforma shkollore. Besojmë që kjo ndikon që nxënësit tanë të kenë një humor edhe më të mirë. Është e ditur që vlerat e uniformës kanë të bëjnë kryesisht me barazitizmin,  me publicitetin e shkollës. Po ashtu është e ditur që uniforma bëhet shkak për debate dhe mërzitje të nxënësit. Nga ana tjetër ata nuk gëzojnë veten ose njëri-tjetrin për veshjet që kanë blerë dhe pse ndjekin një modë të caktuar, që është një edukim shumë herë më i mirë dhe praktik sesa të veshurit e një uniforme sado cilësore dhe e bukur qoftë ajo. 

Numri i vogël i nxënësve në shkollë, në klasë dhe niveli i lartë i formimit të nxënësve tanë e bëjnë thuajse të padukshme ekzistencën e rregullave të shumta që ndikojnë në stresin e fëmijëve. "Udha e shkronjave" është një mjedis shumë harmonik ndërmjet nxënësve dhe mësuesve me njëri-tjetrin. Nxënësit rrallë na lodhin për t'i bindur. 

Nxënësi e fillon me 20 pikë për sjelljen e tij. Nëse gjatë vitit ai realizon shkelje disiplinore. Me sjellje të mira ose shërbime në komunitet ai i përmirëson këto pikë. 

 Masat disiplinore për sjellje jo të mirë ose shkelje të rregullores përfshijnë “vërejtjen nga mësuesi”, “vërejtjen nga drejtoria”, “heqjen e pikëve”, “1,2,3 ditë reflektim në shtëpi”. 

Mësuesit janë të trainuar që ata duhet të ushtrojnë autoritetin e tyre për vendosjen e disiplinës dhe rregullit në klasë dhe në shkollë, edhe pse jemi shkolla me numrin më të vogël të shkeljeve disiplinore.

Në një anketim me prindër të shkollës që kemi bërë në fundin e vitit të kaluar, 50% e tyre vlerësonin "shkëlqyeshëm" komunikimin dhe 50% jepnin vlerësimin "shumë mirë". Publiku është në dijeni që komunikimi nuk është gjithmonë ai i dëshiruari nëpër shkolla dhe ky rezultat i stafit tonë na 

Koncertet, veprimtaritë argëtuese gjatë vitit në mjediset e shkollës shtojnë frymëzimin e nxënësve për jetën dhe i ndihmojnë ata të kapërcejnë vështirësitë mësimore me të cilat ata përballen.

Komunikimi në grupe të vogla apo të mëdha në veprimtaritë artistike apo në veprimtatë që kanë lidhje me projektet kërkimore që organizohen nga shkolla "Udha e shkronjave" i ndihmojnë nxënësit të nxjerrin "turpin" e komunikimit me të panjohurit për interes të nxjerrjes së informacionit të dobishëm për ta. Kjo ndihmon në zvogëlimin e stresit që shoqëron nxënësit me komunikim "të varfër" ose të ndrojtur.

Humori i mirë është gjendja e përditshme e nxënësve, mësuesve, e personelit ndihmës dhe e drejtorisë. Kompaktësia e shkollës në ecjen e sigurtë përpara drejt objektivave tepër të qartë dhe masat e marra me vite që cilësia të mos humbasë na garantojnë edhe humorin e mirë. 

Në vite të ndryshme ne kemi organizuar shumë ekskursione që lidhen kryesisht me vizitat në bukuri natyrore dhe qendra kultorore: Berat, Shkodër, Korçë, Kosovë, Përmet, Sarandë, Vlorë, Rrëshen etj. 

Raporti i nxënësit me natyrën është një problem që e kanë kryesisht nxënësit e shkollave të qytetit. Në këtë drejtim çdo punë më shumë është më mirë.