Informacion për aplikantët
Procesi i aplikimit
Aplikimi gjithmonë nis online. Pasi ju aplikoni, ne ju konfirmojmë marrjen e aplikimit me e-mail dhe nëse do të kemi intervistë. Intervista është shenja e parë e një interesi nga ana jonë për aplikimin.
Apliko për vend pune
Në butonin më poshtë ju hapni formularin, ku do të jepni disa informacione të nevojshme për nisjen e aplikimit.
Pse duhet zgjedhur "udha e shkronjave" për t'u punësuar
Në mënyrë të përmbledhur:
- Zhvillimi profesional ndërkombëtar i nivelit të lartë, me mundësi për certifikime ndërkombëtare, që njihen nga shkollat ndërkombëtare. Jemi qendër e autorizuar e Kembrixhit për zhvillimin profesional të Kembrixhit.
- Puna me programe të Kembrixhit dhe materiale nga Cambridge & Oxford, thelbësisht përforcon pozitat tuaja në arsim.
- Numri më i vogël i nxënësve për klasë në Shqipëri (mesatarisht 6 nxënës për klasë), bën që objektivat mësimor të realizohen me shpejtësi dhe ju të synoni gjithmonë e më shumë, por edhe të jeni e qetë në punë.
- Cilësia e lartë e nxënësve në mësime dhe sjellje e shkëlqyer e nxënësve, ndikon thelbësisht kënaqësinë tuaj në punë.
- Është e provuar dhe dëshmuar nga vetë mësuesit se nivelet e stresit tek ne janë më të ultat. Të mos harrohet që niveli i infeksionit Covid19 gjatë pandemisë tek ne ishte 3 herë më pak sepse ne i ruajtëm mësuesit, duke e kaluar shkollën online për 8 muaj (kurse të tjerët bënë vetëm 3 muaj).
- Vlerësimi i vetë komunitetit të shkollës për drejtimin dhe menaxhimin e shkollës dhe kënaqësinë nga shkolla është në nivel shumë të lartë ndërkombëtar, e provuar me dy raporte ndërkombëtare të Kembrixhit (2019, 2022)
- Puna në qendër të Tiranës. (kohë më e shkurtë vajtje ardhjet në dhe nga puna)
- Pagë progresive e varur nga kualifikimet dhe përvoja në punë.
- Një muaj leje vjetore.
