Cikli i lartë (Lower Secondary)

Ky është numri më i vogël i nxënësve për klasë në  Tiranë dhe ky faktor thellësisht ndikon të gjitha shërbimet që bëhen nxënësit. 

Thelbi i kurrikulës qëndron paketën programore Cambridge Lower Secondary që përfshin: anglisht, matematikë, biologji, kimi, fizikë, Global Perspectives, aftësim digjital, shkencë kompjuteri, art-dizajn, muzikë, edukim fizik. Lënda e italishtes mësohet në atë mënyrë që do të arrijë të testohet me provimet Cambridge IGCSE në klasën e dhjetë. 

Lëndët gjuhë shqipe, histori, gjeografi, edukatë janë me programet e Ministrisë së Arsimit. 

7:30-7:50 -  Pranimi në shkollë

8:00 - 14:30 - Shtatë orë mësimore

Dy pushime të gjata 15 min dhe 40 min

Katër pushime nga 5 minuta.

 Shërbimi i transportit me City Taxi është një shërbim komod, i shpejtë, i sigurtë, me shumë informacion nga qendra për prindërit.

Secila klasë i nënshtrohet provimeve zyrtare Cambridge Progression Tests që testojnë njohurit në lëndët anglisht, matematikë, biologji, kimi, fizikë.  Rezultatet tona aty janë ndjeshëm më lart se mesatarja globale.

 Tarifa 600 000 lekë në vit dhe transporti është 900 euro në vit. 

Duke thelluar rezultatet e fillores që e çon nivelin në A2, gjatë tre viteve që pasojnë 6, 7, 8 (Lower Secondary) niveli i anglishtes ngrihet ndjeshëm dhe nxënësit e përfundojnë me sukses nivelin B1 dhe më të shkëlqyerit janë në rrugën e B2.  Në fund të vitit, realizohen provimet ndërkombëtare të Kembrixhit dhe nxënësi/prindi merr një raport të detajuar.

Gjuha gjermane do të bëhet për 5 vjet në shkollën tonë, nga klasa 6 deri në të dhjetën. Ajo fillon me 2 orë në javë dhe vitin e fundit përfundon me 6 orë në javë.  Synimi është që në klasën e dhjetë nxënësi të hyjë në provimin Cambridge IGCSE për gjuhën gjermane që përputhet me një nivel B1. 

Jemi të paktën një vit para shkollave me programe shtetërore në lëndët matematikë, biologji, kimi, fizikë.  Të gjitha fillojnë në klasën e gjashtë (edhe kimia). Programet janë të Kembrixhit, librat janë ose nga Oxford ose nga Cambridge dhe në fund të vitit realizohen provimet ndërkombëtare. 

Global Perspectives edukon aftësitë e nivelit të lartë: hulumtimin, analizën, vlerësimin reflektimin, komunikimin dhe bashkëpunimin. Këtë e bën ndërkohë që i ekspozon nxënësit ndaj temave me rendësi globale që edukojnë dhe vetëdijen globale. Në shkollën "Udha e shkronjave" bëhet prej 5 vjetësh. Kujtojmë që "Udha e shkronjave" ka qenë në grupin e vogël të shkollave pilot të Kembrixhit që në vitet 2016-2018 e pilotuan këtë program. Vetëm 5 shkolla në Europë në atë kohë patën statusin "pilot" për këtë program që tani e mësojnë të gjitha shkollat e Kembrixhit në botë.  Kjo lëndë në shkollën tonë fillon që në moshën 5 vjeç me paketën Cambridge Primary. Në fund të klasës së tetë, nxënësit ndërmarrin një kërkim dhe punimin (1000 fjalë) e dorëzojnë në Kembrixh për vlerësim, si pjesë e provimeve të ciklit Lower Secondary që quhen Cambridge Checkpoint. 

Niveli i lartë i aftësive në teknologjinë e informacionit dhe të komunikimit që sigurohet gjatë viteve të fillores vijon në klasat 6,7, 9 me aftësi në përdorimin e hardware dhe njohurive në TIK, në komunikimin dhe organizimin e informacionit duke përdorur TIK në dhënien e zgjidhjeve me program ndaj problemeve të ndryshme. 

"Udha e shkronjave" zbaton programet ndërkombëtare të Cambridge Assessment International Education në lëndët art-dizajn, muzikë, edukim fizik dhe nxënësit janë shumë të kënaqur me arritjet e tyre në këto lëndë. Një nga lëndët Art-dizajn është investuar aq shumë nga shkolla vitin 2020-21 sa nxënësit e klasës së nëntë e dhanë provimin Cambridge IGCSE në art-dizajn.