Njerëz të rinj e të vjetër - Cambridge Global Perspectives

Pjesëmarrësit nxorën në pah përvojat e tyre të studimeve universitare: çfarë kishte shkuar mirë dhe çfarë mund të shkonte më mirë. Cilat ishin difektet e studimeve në shkollën e mesme që i vunë re gjatë kohës së studimeve universitare. 

Me përjashtim të Joni Mersinit, të gjithë të pranishmit ishin në punë, kryesisht në bizneset e ndërtuara vetë. Në foto Kevin Shtishi duke shpjeguar punën e tij në fushën e marketingut. Për fushën e marketingut foli edhe Geri Zotaj.

Të pranishmit ishin të kënaqur që kishin një biznes në Shqipëri, pranë familjeve të tyre. Këtë kënaqësi e lidhnin me faktin që këstu kishin më shumë njohje të natyrshme dhe mundej që të kishte më shumë kuptim e lehtësi hapja e një biznesi.

Kristi Dimo solli përvojën e vet të studimit në shkollë të mesme dhe në shkollën e lartë në Angli, rëndësinë që ka puna në internship, ndërsa Joni Mersini solli përvojën e studimit në Gjermani dhe pse u kthye në Shqipëri.

Interesant ishte tregimi i Kristit për përvojën e punës në Angli, ku theksi i vështirësisë është puna jashtë familjes dhe kalimi i përvojave të punës vetëm. 

Ergi Curri solli përvojat  e tij të punës në Ministrinë e Integrimit dhe atë të Jashtme.

Sivjet, mësues Fatosi do të jetë pjesë e shkollës "Udha e shkronjave". Ai ka dhënë mësimin e edukimit fizin në pedagogjiken "17 nëntori", Tiranë, në shkollën "Ahmet Gashi" dhe "Qazim Turdiu". Është edhe specialist i Kryqit të Kuq për Ndihmën e Parë.

Veprimtaria zgjati një orë, në të morën pjesë nxënës nga të gjitha klasat dhe mësuesit gjithashtu. Mësues Fatosi demostroi disa raste kur kërkohet ndihma e parë?

Çfarë duhet të përmbajë kutia e ndihmës së shpejtë? Pse nuk duhet të përdorim betadinë ose jodio? Cilat janë fashot, gërshërët që duhet të kemi?

Nxënësit sqaruan konceptin se çfarë është e lejueshme të bëhet nga një person që nuk është mjek dhe çfarë nuk i lejohet të bëjë.

Tashmë nxënësit e kanë idenë se çfarë duhet të përmbajë kutia e ndihmës së parë. 

Shkolla e regjistroi veprimtarinë dhe tashmë ajo është në youtube dhe mundet ta gjeni në këtë link. 

Festa e Pavarësisë dhe e Çlirimit festohet çdo vit në shkollën tonë. Nxënësit përgatitin vjersha, recitime, kërcime, dhe përgatitin punë artistike.

Pushimet e përditshme, 40 minuta, janë një kohë që nxënësit tanë e vendosin vetë se si do ta kalojnë. Pushimi, liria për të vepruar në një mjedis që është i kontrolluar, ka vlera të veçanta për nxënësit.

Në foto Julindi nga shkolla "Fan Noli" dhe Kejsi nga shkolla "Edith Durham" që erdhën në shkollën "Udha e shkronjave" për të kryer testet e provës për provimin Cambridge IGCSE. Ato kryen 7 orë në ditë vetëm matematikë. Kjo ishte me vlera të mëdha për nivelin e paraqitjes së tyre në provimet që kryen në 30 prill, 1 maj dhe 4 maj. Rezultatet i presim në gusht 2018.

Projektet janë një mundësi që nxënësit të shprehin krijimtarinë e tyre dhe organizimin e ideve që kanë. 

Më 29 maj 2018, nxënësit e klasave 7,8,9 ishin përgatitur për një bisedë me poetin Nazif Agalliu rreth disa poezive të tij. 

Hyrja e zbukuruar për ditën e parë të shkollës "Udha e shkronjave". Ne mendojmë që shkolla jonë nuk është stres dhe nxënësit e duan shkollën tonë. 11 shtator 2018

Sqarimi për programet Cambridge IGCSE dhe Cambridge A Level i nxënësve të shkëlqyer të Elbasanit, në 23 dhjetor 2017. Orientimi drejt universiteteve ndërkombëtare është një specializim që shkolla "Udha e shkronjave" po e formon me kujdes tek vetja. 

Nxënësit tanë janë nxënësit e parë në botë që po e bëjnë programin Cambridge Global Perspectives. Vetëm 5 shkolla pilot  të Kembrixhit kanë qenë në Europë (Barcelonë, Lajpcig, Holandë, Stamboll dhe në Tiranë). Kembrixhi do ta publikojë programin (pra do ta bëjë efektiv) në 20 qershor 2018. Në foto janë nxënës të klasës së shtatë për projektin e tyre në grup. 

Festimet e ditëlindjeve të nxënësve janë një çast i bukur në mjediset e shkollës sonë. Këtu kemi klasën e katërt, "menuja" e të cilës është e pasur në tipa dhe karaktere që ua zbukuron jetën.

Në kopshtin "Yjet margaritarë" ju ofruam pa pagesë testin e olimpiadës kombëtare të parashkollorëve disa ditë më vonë, në maj 2018.

Në Panairin e Librit, krahas ekspozimit të librave tanë, ne kryesisht orientuam nxënësit drejt programeve të Kembrixhit IGCSE dhe A Level.

Sivjet, patëm mundësi të konceptonim një mjedis si sallë mbledhjesh. Këtu kemi zhvilluar disa takime me prindër, poetë dhe po ashtu këtu pritëm edhe nxënësit e olimpiadës kombëtare që i ranë pianos, ose kryen testin e Simfonisë VII të Beethovenit.

Sonja Kapedani është nxënëse e klasës së shtatë. Ajo është kampione e Shqipërisë për të rejat dhe mban mbi 20 rekorde kombëtare në not. Shkolla me sa mundet i krijon lehtësi që ajo të ndjekë pasionin e saj dhe të bëhet një sportiste e klasit të lartë.

Të gjithë nxënësit tanë janë në forumin online në Google Classroom. Kjo na jep mundësi që të bëjmë edhe studime rreth çështjeve të përditshme. Fotoja tregon grafikun për pyetjen "Sa herë merrni vërejtje për përfshirjen në punët e shtëpisë?"

Irsa dhe Iani po luajnë shah? :)
Irsa është në klasën e parë. Iani në parashkollor. Klasat i kanë ngjitur dhe pushimet shpesh i kalojnë sëbashku. Irsa me origjinë është nga Mati. Iani është nga Fieri. Ata nuk e dinë ndryshimin krahinor, por ne na pëlqen që t'ua mësojmë nëse mundemi. Këtë e bëjmë që të përgatiten të trashëgojnë vlerat kulturore të krahinave nga vijnë.

Dhjetra nxënës nga shkolla të tjera u përfshinë në kontrollin e njohurive të semestrit të parë, në lëndët gjuhë shqipe, matematikë, shkencë, biologji, kimi, fizikë, histori, gjeografi dhe anglisht. 

Mësuesja jonë e muzikës Blerina Metollari është violiniste. Ajo dha një mësim të hapur për vlerat e instrumentit të violënës, me nxënësit e shkollës sonë, në tetor 2017.

Më 9,10 shkurt, në Rogner, organizuar nga Integral, shkolla "Udha e shkronjave" ishte e vetmja shkollë shqiptare ekspozitore në Panairin e Arsimit Ndërkombëtar. Detyra jonë ishte t'i informonim prindërit dhe nxënësit që programet ndërkombëtare IGCSE dhe A Level mund të ndiqen me sukses në shkollën "Udha e shkronjave" me çmime që janë disa herë më të lira.

Nxënësit, mësuesit, drejtoria përgatiten që dita e 7 marsit të jetë një ditë kujtimi e bukur për 7 marsin 1887 kur u hap shkolla shqipe. Ne nuk harrojmë që 7 marsi i përket Rilindjes Kombëtare Shqiptare, dhe misionit të mësuesit shqiptar, më shumë sesa profesionit të mësuesit si i tillë. 

Tashmë mësues Fatosin e njohin edhe nxënësit tanë edhe mësuesit. Ai vjen në shkollë për të kontrolluar nivelin e zotërimit të programit në lëndën e edukimit fizik. Ne e ftuam të kalonte me ne ditën e 7 marsit 2018. 

Është traditë e shkollës "Udha e shkronjave" që me rastin e 7 marsit drejtoria të organizojë një drekë me mësuesit. Shpesh na rastis që bashkohemi me kolektiva të tjerë mësuesish. 

Ne i mësojnë të nderojnë figurën e mësuesit, sepse ajo nuk është pronë e shkollës, por edhe kombit dhe e shoqërisë njerëzore. Frymëzimi do t'i mbajë dhe do të punojë edhe më shumë kur të rriten. 

Të gjitha klasat përgatiten në mënyrë të barabartë për të përshëndetur në festën e 7 marsit. Këtu është radha e klasës së pestë dhe të gjashtë. Klasa e pestë kishte një pjesë teatrale shumë të bukur.

Nxënësit tanë gëzojnë një harmoni të admirueshme ndërmjet klasave. Janë të dashur me më të vegjëlit dhe kjo është një mbështetje shumë e madhe për ne. 

Viktori është një shkrimtar shumë i njohur sidomos për moshat e reja. Takimi që ne zhvilluam me të ishte me shumë vlera për nxënësit por edhe për vetë shkrimtarin, sepse nxënësit tanë ishin përgatitur mjaft për veprën e tij kushtuar piktorit të njohur Ibrahim Kodra.

Nxënësit kishin përgatitur punët e tyre lidhur me analizën e veprës. Dikush kishte kapur subjektin, dikush profilin e shkrimtarit, dikush gjuhën, dikush personazhet e dikush idetë. Të gjithë në fund e mbyllnin me një pyetje.

Në foto shihni Jora Demaj, klasa 8, që reciton dhe Darli Seranaj, klasa 9, që i bie kitares, në takimin me shkrimarin. 

Përfshirja shoqërore në takime të tilla lë përshtypje të thellë jo vetëm tek nxënësit por edhe tek mësuesit. Ne jemi të kënaqur me organizime të tilla. 

Kujdesemi që takimet të xhirohen dhe fotografohen. Ato tashmë janë në arkivin e shkollës të fotove dhe të videove.

Bashkimi i kërkesave tona në olimpiadën e gjuhës, takimet me shkrimtarë dhe poetë, recitimet dhe pjesët teatrale përbëjnë një një zhvillim shumë pozitiv në traditën e shkollës për kujdesin ndaj gjuhës shqipe. Në foto mësuese Kono (gjuhë shqipe) dhe mësuese Mirela (biologji kimi) në takimin me shkrimtarin Viktor Canosinaj.

Në 11 maj realizuam një takim informues rreth shkollës "Udha e shkronjave" dhe vendit të saj në sistemin arsimor shqiptar.
Takimin e gjeni edhe në këtë video.

Ne ju themi prindërve "Takimi me ne nuk vlen vetëm nëse ti do të dish diçka për shkollën "Udha e shkronjave". Ne e fillojmë më gjerë "Ju duhet të dini më shumë rreth zhvillimeve botërore, pastaj atyre shqiptare dhe më në fund në Tiranë e pastaj në shkollën "Udha e shkronjave". Kjo i ndihmon prindërit në orientimin e tyre afatgjatë.

Ky takim ishte me një grup të vogël prindërish, por pyetjet e tyre ishin tepër përfaqësuese për shumicën e prindërve që ne kemi. Edhe diskutimet i gjeni në këtë video.

Shumica e të pranishmëve do të shkonte pas mësuesit, duke harruar faktorët që janë jashtë mësuesit që e dështojnë edhe punën e mësuesit më të mirë. Nuk ka mësues të mirë në një shkollë apo sistem arsimor të dobët. Me këtë nuk po themi që ai nuk i kalon testet, por që produktin e tij e prish shkolla që mësuesi nuk e ka në dorë.

Pyetje e prindit në foto ishte nëse ne i zgjedhim ose i testojmë fëmijët para se të hyjnë në shkollë. I treguam që e kemi një traditë 21 vjeçare dhe kemi mësuar shumë prej kësaj. 

Ky takim mund të quhet edhe promovues i revistës "Udha e shkronjave shkollë e aftësive të shekullit 21".  Aty kemi gjithçka që vlen si më e mirë për ne. 

Revistën e gjeni në këtë link.

25 maji është një ditë tradicionale përkujtimore e veprës së Vëllezërve Frashëri. Në Tiranë këtë rit nderimi prej vitit 2009 e kryen në mënyrë të rregullt shkolla "Udha e shkronjave". Për ta bërë sa më të bukur kishim ftuar edhe kuartetin e harqeve të drejtuar nga mësuesja e muzikës Blerina Metollari.

Nxënësit marrin tufa me lule nga shtëpia dhe i vendosin ato në varret e Abdyl, Naim dhe Sami Frashërit. Nxënësit marrin në këtë mënyrë një përshtypje, vlerën e së cilës është e sigurtë që do ta zbërthejnë edhe më mirë kur të rriten.

Nxënës të fillores dhe të ciklit të lartë, së bashku me mësuesit dhe drejtorinë. 

Ne i mësojmë ata të kryejnë si duhet ritin e nderimit. Kjo do t'ju vlejë pastaj për çdo nderim tjetër të përafërt që ata do të bëjnë, pra nuk ka vlera vetëm për Frashëllinjtë, por për çdo figurë të kulturës apo njeri të afërt që ka rëndësi për ta ta përkujtojnë.

Siç duket edhe nga fotoja masat janë marrë që dekori të jetë kombëtar. Mësuesit nderojnë së bashku me nxënësit. 

Drejtoria çdo vit kontaktohet nga organizatorë që këtë rit e bëjnë në shtëpinë muze në Frashër. Disa herë kemi qenë edhe atje, por ne e quajmë për detyrë që Tirana dhe memoriali që është këtu të mos ngelet pa veprimtari, ndaj jemi përqëndruar në Tiranë dhe me sa mundemi mbështetim edhe organizimet që bëhen në Përmet apo në Frashër.

Olimpiada Kombëtare e Parashkollorëve, organizuar nga "Udha e shkronjave" është ngjarja më e madhe në rang  kombëtare për këtë moshë. Ajo është e thellë, me vlerë, e bukur dhe argëtuese për fëmijët. Lë një gjurmë për tërë jetën. Fotot tregojnë vetëm pak nga përvojat që kalojnë fëmijët. 

Nxënësit parashkollorë kryejnë dy teste: testin e gjuhës shqipe dhe testin e matematikës. Ndërmjet testeve ka një pushim. Testet janë vërtetë sfiduese. Nxënësit marrin certifikatën me vlerësimet përkatëse. 

U bënë disa vjet që ne ftojmë aktorët e cirkut për të paraqitur numrat e tyre artistikë. Fëmijët mrekullohen me përkryerjen që kanë numrat e tyre.

Mendojmë që arti që sjellin aktorët e cirkut është tepër frymëzues për fëmijët, sidomos për ata që rriten të mbyllur dhe që lëvizjen dhe veprimtaritë sportive nuk i kanë shumë të zhvilluara.

Maskotat janë një kënaqësi e përhershme në këto raste. 

Në fund të olimpiadës, është traditë të kemi një foto të të gjithë grupit të konkurruesve. Kjo u jep atyre kënaqësinë e përkatësisë ndaj një grupi të shkëlqyer.

Drejtoria e shkollës "Udha e shkronjave" vendosi që sivjet të kishim një ekspozitë pikture, ku çdo nxënës të kishte pikturën e vet. Dyfishuam orët e vizatimit dhe mësuesja e pikturës Ruzmira Bejaj e bëri realitet që ne tashmë e gëzojmë kur i shohim në muret e shkollës.

Shumicën e pikturave i kemi vendosur në atë që ne e quajmë "Salla e çlodhjes" ku kemi pianon dhe nxënësit bëjnë ditëlindjet apo organizojnë festa të ndryshme.

Edukimi figurativ shpesh është e vetma lëndë që mban gjallë krijimtarinë. Krijimtaria është një aftësi e nivelit të lartë për të cilën kanë nevojë të gjitha lëndët, por në fakt, shpesh krijimtaria zbehet.

Marrëdhënia personale me telajon dhe me projektin që do të realizohej është një përvojë mbresëlënëse për të gjithë nxënësit e shkollës "Udha e shkronjave". 

Zambakë uji ka pikturuar Vanesa Prifti që është në klasën e shtatë. 

Brunildo dhe Iani janë në klasën parashkollore. Edhe ata janë përfshirë në mësimin e pikturës.

Ky ishte edhe sezoni më i madh i provimeve IGCSE në Shqipëri, organizuar nga shkolla "Udha e shkronjave", Pesëfishi i mesatares që ne kemi patur vitet e fundit

Nga shkolla "Udha e shkronjave", dhe shkolla të tjera private dhe shtetërore të Tiranës dhe të Shqipërisë. Një ishte nga Prishtina. 

Për të mbështetur nxënësit që ne i kishim online, që do të paraqiteshin në provimet IGCSE, ne vendosëm të kishim 2 javë kushtuar testimeve të provës në lëndët matematikë, biologji, kimi. Nxënësit e matematikës bënë 7 orë mësim për 10 ditë mësimore, pra 70 orë gjithsej. Të gjithë thanë se kjo ishte një masë e domosdoshme.

Programi 0607 i Matematikës Ndërkombëtaer për certifikatën IGCSE kërkon edhe njohuritë e nxënësit në përdorimin e makinës llogaritëse me grafik. Edhe për këtë "Udha e shkronjave" u kujdes që nxënësit të orientoheshin të blinin makinën e duhur dhe të kishin edhe udhëzuesin për përdorimin e saj, për aq sa u duhej në provim (sepse makina kishte edhe më shumë funksione). Shumica blenë makinën TI-Nspire nga Texas Instrument.

Ndërkohë që nxënësit tanë përgatiten ditë për ditë në shkollë për provimet IGCSE, nxënësit që janë nga shkolla të tjera ne i përgatitim përmes kurseve online, që tashmë janë një resurs shumë i mirë për të mbështetur matematikën, fizikën, kiminë, biologjinë dhe lëndë të tjera.

Sivjet patëm provime edhe në A Levels në lëndët: matematikë, anglisht, kontabilitet dhe ligj. Edhe këtu nxënësit përveç kurseve ballë për ballë me mësuesin patën edhe mbështetje online (në matematikë).

E veçantë për klasën e nëntë në olimpiadë është se ata matematikën nuk e bëjnë me tezën e hartuar nga "Udha e shkronjave". Ne shfrytëzojmë rezultatet e tyre në Cambridge IGCSE për të nxjerrë rezultatin e olimpiadës. Kështu ngremë në një nivel shumë të lartë kërkesat për olimpiadën. Nxënësit erdhën për të bërë testimet e gjuhës shqipe, të shkencës dhe të kompetencës globale.

Shumë më mirë se çdo vit tjetër ne kemi informuar prindërit dhe nxënësit e klasës së tetë në olimpiadë rreth programit që kemi për ta për klasën e nëntë që duhet të kalojnë në përgatitjen për provimet ndërkombëtare Cambridge IGCSE.

Kemi grumbulluar një material të jashtëzakonshëm me intervista nga nxënës që nga klasa e parë e deri tek e nënta dhe mezi presim që ato t'i publikojmë.

Këtë vit ne iu kthyem traditës për të dhënë certifikatën e pjesëmarrjes pikërisht ditën e olimpiadës. 

Patëm kohë, gjatë ditëve të olimpiadës, për të bërë edhe një ceremoni të thjeshtë për ndarjen e certifikatave.

Prindërit e nxënësve të olimpiadës janë shtytësit kryesor të pranisë së fëmijëve n olimpiadë. Shpesh ndodh që një pjesë e tyre të kenë qenë vetë pjesëmarrës në olimpiada. Në foto dy prindër duke lexuar broshurën "Udha e shkronjave".