28 qershor 2023

Olimpiada XVI Kombëtare e Parashkollorëve - 28 qershor 2023

Është viti i gjashtëmbëdhjetë që shkolla "Udha e shkronjave" organizon Olilmpiadën Kombëtare të Parashkollorëve, një ngjarje shumë e gëzuar në jetën e fëmijëve dhe një piketë e rëndësishme në shkolimin e tyre.

Olimpiada do të zhvillohet në datën 28 qershor 2023 në mjediset e shkollës "Udha e shkronjave", rruga "Qemal Stafa". Sipas traditës nxënësit do të pyeten në njohuritë e tyre në gjuhën shqipe (njëra tezë) dhe në matematikë (teza tjetër). Ndërmjet dy testeve do të ketë një pushim.

Fëmijët do të marrin një certifikatë pjesëmarrjeje dhe një dëshmi të arritjeve. Dëshmia e arritjeve do të ketë vlerësimin me notat A*, A, B, C, D, E (të ndara në tri vlerësime: Shkëlqyeshëm (A*, ose A), Shumë mirë (B, C) dhe "Mirë" (notat D dhe E).

Kërkesat e testeve lexohen nga ana jonë dhe nuk është që duhet që xënësit duhet të lexojnë.

Në lëndën e gjuhës shqipe, nxënësit pyeten në njohjen e shkronjave, të rrokjeve dhe leximin e fjalëve të thjeshta, plotësojnë shkronja ose rrokje që mungojnë në një fjalë, ose shkruajnë një fjalë, ose fjali të plotë. Pyetet edhe të kuptuarit fjalisë.

Në matematikë, pyeten për numërim deri në 20, mbledhje dhe zbritje brenda 20, krahasim sasish, pyetje nga gjeometria dhe paraqitje tabelare të të dhënave, pyetje logjike.

Për më shumë informacion

Për më shumë informacion na kontaktoni në Whatsapp në 0692076068.

Telefono

"Menu" e pasur mësimore dhe edukative

Arsyet pse duhet të zgjidhni shkollën "Udha e shkronjave"

Artur Shkurti

Drejtor i shkollës "Udha e shkronjave"

Mendoni se jeni në plazh dhe jeni duke u përpjekur me fëmijën tuaj të bëni një kon sa më të lartë me rërë (një "mal", një "kodër" me rërë). Ju doni që koni të fitojë lartësi, ndërkohë që ai nuk e fiton lartësinë pa formuar një bazë të gjerë, e cila kërkon kohë të formohet. Sado që lodhemi që t'i biem shkurt, rëra do të shkojë me shumicë në bazë dhe vetëm pasi ketë fituar këtë bazë, atëherë mund të ngrihet në lartësi.

Kështu është edhe me vlerën e mësimeve që merren në parashkollor. Ato formojnë bazën e piramidës. Asgjë nuk ndodh vetvetiu nëse nxënësi ndërron klasat. Ai duket sikur po mbart lartësi, por në fakt reflekton një formim të ulët në klasat që pasojnë.

"Udha e shkronjave" është në vitin e njëzetë e pestë të punës dhe përvoja e grumbulluar na bën të themi që jemi në grupin e shkollave që janë në toplistë në Tiranë (2-3 shkollat më të mira).

Parashkollori i shkollës "Udha e shkronjave" ofron një mënu të pasur mësimore dhe edukative që do të thotë njohuri dhe aftësi nga lëndë të ndryshme, si gjuha shqipe, anglishtja, matematika, shkenca, teknologjia e informacionit dhe e komunikimit, lënda e re Cambridge Global Perspectives, për të cilën kemi qenë edhe shkollë pilot e Kembrixhit, arti dhe dizajni, muzika dhe edukimi fizik. Të gjitha këto kombinohen me një njohje shumë të mirë të fëmijës parashkollor dhe me ofrimin e mësuesve që janë shumë të dashur e ndihmues për fëmijët, si edhe duke u kujdesur që ky ekspozim i madh ndaj diturisë të mos përkthehet në një shtypje të tij.

Parashkollori ynë ndjek programet e Kembrixhit, saktësisht nivelin 1 të Cambridge Primary, që është paketa mësimore dedikuar shkollave të Kembrixhit. Fillorja e Kembrixhit ka 6 nivele dhe niveli i 6 kryhet në klasën e pestë. Më pas, pra pas klasës së pestë, fillon Cambridge Lower Secondary. Në klasën e nëntë fillon Cambridge IGCSE dhe në klasën e njëmbëdhjetë Cambridge A Level.

Formimi gjuhësor i nxënësve të shkollës "Udha e shkronjave" është i mrekullueshëm sepse ai nuk e përjashton gjuhën shqipe, pra gjuhën amtare, për të mësuar anglishten, nuk e dëmton gjuhën shqipe përmes mospërdorimit, mospasurimit, moskujdesjes për të mësuar vetëm anglishten. Ky do të ishte një zhvillim tepër negativ (dhe të tilla po ndodhin në disa shkolla ndërkombëtare) jo vetëm gjuhësor, por edhe psikologjik. Ne jemi një shkollë shqiptare në nxënës, në staf dhe në orientimin që kemi në objektiva dhe ky nuk është lajm i keq për cilësinë, siç kujtojnë disa prindër, por është lajm i shkëlqyer. Është fakt që në moshat e mëdha (15-18 vjeç) ne kemi rezultatet më të larta në Tiranë në certifikimet ndërkombëtare IGCSE dhe A Level. Atëherë kjo do të thotë se ne e paskemi shumë mirë zhvillimin e nxënësit.

Klasat tona parashkollore kanë patur numër të kufizuar nxënësish, mesatarisht 5-6 nxënës në klasë. Kjo na ka lejuar të bëjmë shumë përpara me nxënësit që kemi patur.

Janë të paktën 5 mësues që japin mësim në klasën parashkollore.

Shkolla "Udha e shkronjave" është edhe organizatore e Olimpiadës Kombëtare "Udha e shkronjave" ® për parashkollorët, që është një garë në dy lëndë në gjuhë shqipe dhe në matematikë dhe që është edhe një ngjarje tepër e gëzuar për fëmijët që vijnë nga kopshte e grupe parashkollorë nga Tirana dhe nga qytete të ndryshme të Shqipërisë. Ju mundet të shihni fotot më poshtë që japin atmosferën e kësaj olimpiade.

Copyright: "Udha e shkronjave" & Artur Shkurti