image62

E mesme me programe e certifikime të kembrixhit

Cambridge ICE, në klasën 10 dhe Cambridge AICE në klasat 11, 12

Në gjimnazin ndërkombëtar,  klasa 10 përfundon 7 certifikimet Cambridge IGCSE dhe merr dëftesën Cambridge ICE. Klasa 11 dhe 12 zhvillojnë 5 lëndë Cambridge A Level në dy vjet dhe përfundojnë me diplomën Cambridge AICE.  


Përveç gjimnazit kemi edhe shkollën profesonale ekonomike me programe të Kembrixhit IGCSE (ndërmarrje, kontabilitet, ekonomiks) dhe A Level (ndërmarrje, kontabilitet, ekonomiks) dhe që përfundon me maturën shtetërore në vitin e katërt. 


Nuk ekziston një shkollë e dytë që të ecë aq ngadalë dhe aq me hapa të sigurtë drejt niveleve tepër të larta sa shkolla "Udha e shkronjave". Nuk ekziston një shkollë që të ketë një menu kaq të pasur edukative që përmbledh arritjet më të mira historike të saj dhe ato botërore, siç janë programet dhe kualifikimet e Kembrixhit. 


Pse e themi këtë? 

Sepse për vite të tëra, 23 vjet, ne u përkryem në arsimin 9-vjeçar, për 20 vjet kemi organizuar Olimpiadën Kombëtare për të matur cilësinë e lartë të nxënësve shqiptarë, për 8 vjet u përsosëm në programet e Kembrixhit për moshat 5-19 vjeç dhe vetëm pasi ndodhën të gjitha këto, u hap vjet (2019) klasa e parë e mesme, me një grup të vogël por shumë cilësorë nxënësish, sepse ata janë të vetmit në Shqipëri që kanë kaluar 7 programe Cambridge IGCSE dhe që janë gati për dëftesën Cambridge ICE, që jepet në fund të klasës së dhjetë. 


Kriteret për të hyrë në të mesmen tonë

Nxënësi duhet të ketë rezultate të larta në mësime, sidomos në anglisht, matematikë dhe shkencat ekzakte. 

Nxënësi duhet të dëshmojë që ka vullnet për t'iu nënshtruar Kursit të Përshtatjes me shkollën, me anë të të cilit ne synojmë të arrijmë sa më shpejt që ai/ajo të arrijë standardet e grupit që vjen nga klasat tona. 


REGJISTRIMET

Regjistrimet bëhen në klasat 11, 10 dhe 9. 


  • Klasa 11 futet në vitin e parë të dyvjeçarit Cambridge A Level.  
  • Klasa 10 futet në vitin e dytë të Cambridge IGCSE.
  • Klasa 9 futet në vitin e parë të Cambridge IGCSE.


Për regjistrime:


Shkolla "Udha e shkronjave"

Rr. Qemal Stafa, 124, Tiranë 


Cel: 0692076068 (edhe whatsapp)

E-mail: info@udhaeshkronjave.edu.al 

A e dini se ....

Tek ne kryhen testet e pranimit për Oxford dhe Cambridge

  • Gjimnazi  "Udha e shkronjave" është e vetmja shkollë e mesme ku kryhen provimet e pranimit në Universitetin e Kembrixhit dhe në Universitetin e Oksfordit, teste që realizohen nga Cambridge Assessment Admission Testing, departament i Universitetit të Kembrixhit, për llogari të të dy universiteteve.. 
  • Klikoni linkun për të verifikuar informacionin
  •  https://www.admissionstesting.org/find-a-centre/?region=tirana%20county&country=albania&city=tirana 

  • "Udha e shkronjave" është një shkollë ndërkombëtare e Kembrixhit që nga viti 2012, por jemi e para shkollë private shqiptare (nga viti 1997
  • Gjatë 2019, vlera e bursave që morën nxënës të gjimnazit që kanë kryer certifikimet IGCSE dhe/ose As& A Level ishte 350 000 euro. 
  • "Udha e shkronjave" ka regjistrimet më të shumta në provimet e Kembrixhit IGCSE dhe A Level dhe rezultatet më të larta. 
  • "Udha e shkronjave" është organizatore e Olimpiadës Kombëtare që nga viti 2000 dhe mbi 70% e atyre që sot studiojnë në toplistën botërore të universiteteve dikur kanë qenë pjesëmarrës në këtë Olimpiadë. 
  • "Udha e shkronjave" e ka të argumentuar lidhjen e dokumentacionit që lëshon me pranimet në universitetet e toplsitës botërore (50 të parat).

image63

350 000 euro vlera e bursave të fituara në 2019

4 nxënës fitojnë bursa në Zvicër dhe Angli me vlerë 350 000 euro

Suksesin më të madh në këtë drejtim e fitoi Darli Seranaj që u pranua në Aiglon College, Lozanë, Zvicër për 2 vjet me bursë 100% në mësim, ushqim dhe akomodim.  Dy nxënës të tjerë fituan bursa me vlerë 52 000 paund secili (dy vjet në Angli) dhe një tjetër bursë 70% për vitin e fundit.



 Letra e falenderimit të Darlit për shkollën "Udha e shkronjave" 

Në shkollë më është rritur vetëbesimi dhe pjekuria dhe me anë të programit që shkolla "Udha e shkronjave" ofron, gjithmonë kam patur mundësinë për të qenë një hap përpara të tjerëve. 

Që nga klasa e parë e deri në klasën e nëntë gjysmën e ditës sime e kam kaluar me ju duke marrë edukimin, etikën e punës dhe dijet bazë, të cilat do të jenë themelet për vazhdimin e udhëtimit tim në pjesën akademike dhe shoqërore. 


Faleminderit juve për punën e palodhur dhe që jeni bërë pjesë e suksesit tonë e që u gëzoheni sukseseve tona, ashtu sikur të ishin tuajat. 


Me mirënjohje për mësuesit tanë,


Darli Seranaj, Tiranë, më 22 prill 2019 



 

SHËNIM I REDAKSISË:


Darli Seranaj, nga viti që vjen do të studiojë në një nga kolegjet e mesme më të mira të Zvicrës dhe të botës (sistemi IB), Aiglon College,  ku ka fituar bursë 100% (mësim, strehim, ushqim përfshirë) për 2 vjet.

 

Kur thotë "pjesë e suksesit tonë" e ka fjalën edhe për motrën Siborën, edhe ajo dikur nxënëse e shkollës "Udha e shkronjave" dhe që tashmë studion statistikë në Duke University, një nga universitetet e toplistës botërore.


Falenderojmë Darli Seranaj dhe familjen e tij për këtë vlerësim të shkollës sonë, në një çast kur puna jonë është tepër e përqëndruar në investimin tonë në shkollën e mesme. 

Darli ka patur suksese të shumta në shkollë duke qenë gjithmonë nxënësi më i mirë i brezit të vet, fitues në olimpiadë dhe dy vitet e fundit sukseset e tij janë certifikuar ndërkombëtarisht me tre certifikime Cambridge IGCSE në matematikë, anglisht, teknologji informacioni dhe komunikimi (me vlerësime A*, A, A), që në klasën e nëntë (zakonisht merren në të dhjetën) dhe më 13 gusht 2019 mori vlerësimin A në matematikën As Level në matematikë (diçka që në Angli ndodh në vitin e njëmbëdhjetë, ndërsa Darli me shkollën "Udha e shkronjave" e realizoi në të dhjetën). 

image64
image65

shkolla e mesme "udha e shkronjave"

11,12 dhjetor 2019 - U zhvillua Olimpiada Kombëtare Matematikë dhe Fizikë

Sivjet, "Udha e shkronjave" paraqitet me nxënësit e klasës së dhjetë. Morën pjesë në këtë konkurrim edhe dy nxënës nga klasa e nëntë Briana Vathi dhe Eneid Meta.  Në përfundim të korrigjimeve, nxënësit më të mirë të shkollës sonë ishin : 


MATEMATIKË

(vendi 1) - Jora Demaj 

(vendi 1) - Briana Vathi 

(vendi 3) - Toni Zemani 

image66

13 dhjetor 2019 - Olimpiada e Kimisë

Nxënësit e klasës së dhjetë morën pjesë në Olimpiadën Kombëtare të Kimisë për shkollat e mesme, faza e parë, që zhvillohet në shkolla.  Jemi në pritje të rezultateve (korrigjohen nga mësuese Mirela Shkurti). 

Ndërkohë skema e zgjidhjeve ka ardhur nga Drejtoria Arsimore dhe e gjeni tre seksione më poshtë. 


Klasifikimi 

Vendi 1 - Henri Feto

Vendi 2 - Jora Demaj

Vendi 3 - Toni Zemani

image67

12 dhjetor 2019 - u zhvillua faza e parë e Olimpiadës Kombëtare të Fizikës

Sot, u zhvillua faza e parë e Olimpiadës për shkollat e mesme. Faza e parë përfshin konkurrimin brenda shkollës. Faza e dytë është në rang  Tirane do të jetë më 18 janar 2019.  Tezat dhe çelësin e zgjidhjes e gjeni dy seksone më poshtë në këtë faqe. 

Vendi 1 - Henri Feto (klasa 10)

Vendi 2 - Jora Demaj (klasa 10)

Vendi 3 -  Eneid Meta (klasa 9)

image68

Olimpiada e Biologjisë - klasa 10 - faza e parë e Olimpiadës Kombëtare

Më 16 dhjetor 2019, u zhvillua faza e parë e Olimpiadës Kombëtare të Biologjisë për klasën e dhjetë. 

Në këtë konkurs nga shkolla jonë konkurroi Henri Feto, që do të na përfaqësojë edhe në fazën e dytë ku konkurrimi është në rang qyteti (Tiranë). I urojmë suksese Henrit. 

image69

Eneid Meta dhe Briana Vathi kualifikohen për fazën e dytë

Eneid Meta dhe Briana Vathi, nxënës së klasës së nëntë realizuan sot testin e fazës së parë të Olimpiadës Kombëtare të Matematikës për klasën e nëntë dhe u kualifikuan për fazën e dytë. Të dy kanë qenë fitues tradicionalë në garat e matematikës që ka organizuar "Udha e shkronjave" ose në "Kangaroo". 

tezat matematikës, fizikë, KIMI - klasat 10, 11, 12

Nxënësit që duan të përgatiten për certifikimet ndërkombëtare Cambridge IGCSE dhe/ose A Level, të na kontaktojnë në WhatsApp në 0692076068, t'ju nisim datat e provimeve të majit 2020. Këto kualifikime janë një pikë e fortë në aplikimet në universitet ndërkombëtar ose për bursa.
Nëse ju dëshironi t'i bashkoheni shkollës së mesme "Udha e shkronjave" do të rezultojë në vendimin më të rëndësishëm të jetës suaj. 

Vlerat e programit Cambridge IGCSE në informatikë

Earta (studion për informatikë në Tiranë) dhe Kristi (tani studion në Kanada) kanë qenë nxënës të shkollës "Udha e shkronjave" që i kanë kryer disa nga programet Cambridge IGCSE.

Nxënës të shkollës "Udha e shkronjave" që studiuan IGCSE

Xhovana, Marini dhe Nensi kanë kryer me sukses disa progame Cambridge IGCSE dhe ata tregojnë përvojën e tyre me to.